Issittup imaani pisuussutit pagganneqarput
Ikkannersuaq Lomonosov nunavissuarmut atasuusoq, Canadamit Ruslandimillu assortuussutigineqalerpoq. Nunat taakku immikkut tamarmik ikkannersuaq taanna piginnittuuffiginerarpaat.
Allattoq Jens Thorin
septembarip 16-at 2010 10:00
Rusland, USA, Canada, Danmark Norgelu tamarmik immikkut issittup imartaata ilaanik piginnittuunerarlutik oqartareerput. Tamarmik unnerpaat, tamaani sikup ataa suli nassaarineqanngitsumik uuliaqaqalunilu gasseqaqisoq.
Allaat ilaat oqarput, nunarsuarmi tamarmi pisuussutit taamaattut sisamararterutaat tamaaniittut.
Issittumi siku milliartuinnartillugu, taamaalillunilu Qalasersuup eqqaa aqqutigiuminarsiartortillugu, aaqqiagiinnginneq malunnarsiartuinnarpoq.
Russit nunanut allanut tunngasunut ministeriata Lavrovip, NATO issittup imartaani sakkutuuminik amerlisaaqqunagu mianersoqqusimavaa.
