Nalunaarusiaq taanna Københavnimi pisortatigoortumik aqagu saqqummiunneqassasoq, SIKU Newsip nittartagaani allaaserineqarpoq.
Quppernerni 122-nit amerlanerusuni allaaserisaq erseqqippoq:
- Issittumi uumasut naasullu assigiinngiiaat navianartorsiortinneqarnerannut silap pissusaata allanngoriartornera annertunerpaallunilu pingaarnerpaavoq, ilisimatuut nalunaarusiami aaqqissuisuusut allapput.
Uumasut atugaat allanngoriartorput, kisianni naasut sukkasuumik aamma allanngoriartorput, erseqqissaapput.
Ivikkat issittumi naasartut ivikkanit kiattuni naasartunit sumiiffinni arlalinni maanna aamma taarserneqariartorput, orpiillu killeqarfiata kilomerinik 500-nik ukiut 90-it qaangiuppata avannarparsimanissaa ilisimatuut aamma ilimagaat.
Silap pissusaata allanngoriartornera pissutigalugu Issittoq pillugu isigeriaatsitta, qanorlu isumaqarneranik paasinneriaatsitta, allanngornissaa
ilisimatuut aamma siulittuutigaat. Uumasut naasullu tamaani maanna ilisarnaataasut siunissami immaqa qaqutigoortunngussapput, nunguvissimassallutilluunniit.