BILLEDER Issittumi sakkutooqarfiup ujaasinini nangeqqikkaa
Qaqqap sisooqqissinnaannera aallerigineqarmat, aammali sikoqarpallaarnera pujorneralu pissutigalugit maqaasineqartunik ujaasiniarneq ajornakusoorsimavoq.
Allattoq Jonas Løvschall-Wedel
juunip 25-at 2017 16:42
Nuugaatsiami tassaarsuartoqareersorlu Issittumi sakkutooqarfiup maqaasineqartunik ujaasisini nangeqqippaa.
- Inuit sisamat maqaasineqartut S-61 atorlugu, umiarsuarmiillu Vædderenimit politiit suleqatigalugit ulluni kingullerni ujaasisoqarpoq, Issittumi sakkutooqarfik Facebookimini allappoq.
Ujaasiniarneq ajornarsimasoq
Qaqqap sisooqqissinnaannera suli aallerigineqarmat, sinerissamilu sikoqarpallaarnera putserneralu pissutigalugit ujaasiniarneq ajornakusoorsimavoq.
- S-61-mik silaannakkut ujaasisoqarpoq, imaatigullu gummibådi atorlugu illut avalagussaasimasut misissorlugit ujaasisoqarpoq.
Inuit sisamat suli maqaasineqartut ujaarineqartut, Issittumi sakkutooqarfik ilisimatitsivoq.