Issittumi periusissaq utaqqineqartariaqassaaq
Danmarkimi naalakkersuisut issittumi periusissaq 2011-mit 2020-mut atuuttussaq sisamanngorpat tamanut saqqummiutissagaat pilersaarutaagaluarpoq. Tamannali qaammatinik marlunnik kinguartinneqartoq, nunanut allanut ministeeriaqarfik KNR-imut ullumi taama ilisimatitsivoq.
Allattoq Elisa Isaksen
Issittumi periusissaq piareersimasoq, kalaallisut nutserneqaleruttoraluarpoq. Tamanna pereerpat Naalakkersuisunut saqqummiunneqareerpat, tamanut saqqummiunneqartussaagaluarpoq.
Periusissalli taassuma ilaa qanoq imaqassanersoq paasinarsereeraluarpoq. Issittumi periusissatut siunnersuut KNR-imit pigineqartoq naapertorlugu aatsitassarsiornermi malittarisassat Kalaallit Nunaata nammineerluni siunissami aalajangersartassavai. Aamma Danmarkip Kalaallit Nunaatalu ataatsimoorlutik Qalasersuarmik piginnittuunissaq piumasaqaatigissagaat tassani allassimavoq.