Issittumi isumannaallisaaneq samminiarpaat
Nunat pissaanilissuartut taaneqartartut issittumik soqutiginninnerat oqaluuserineqassaaq, tassani USA aamma Rusland kisimik eqqarsaatigineqaratik, aammas Kinap issittumik soqutiginninera oqaluuserineqassalluni.
Kalaallit Nunaata issittumi inissimanera oqaluuserineqassaaq. Kalaallit Nunaat namminersulivippat isumannaallisaanermut politikki qanoq issanersoq oqaluuserineqassalluni, tamannalu pillugu Danmark aamma USA qanoq inissisimassanersut oqaluuserineqassalluni.
Ataatsimeersuarnermi saqqummiussisussat Norge-mit Danmarkimit Tuluit Nunaannit USA-mit soorunalimi aamma Kalaallit Nunaannit pisuusssapput. Pia Vedel Ankersen Ilisimatusarfimmi lektoriusoq kalaallit nunaat sinnerlugu saqqummiussissaaq.
Issittumi isumannaallisaaneq pillugu ataatsimeersuarneq septemberip ulluisa 23-anni ingerlanneqassaaq ataatsimeersuarnermi aaqqissuisuulluni sakkutooqarneq pillugu ilisimatusarfik.
