Issittumi ingeniørinik amerlanerusunik ilinniartitsisoqassaaq
Ilinniartitaanermut, Ilageeqarnermut, Kultureqarnermut Naligiissitaanermullu Naalakkersuisoq Nick Nielsen, DTU-mut Københavnip eqqaani Lyngbymiittumi tallimanngornermi apriilip ulluisa 19-ianni takornarniarpoq.
DTU-p rektoria Anders Bjarklev, dekanilu Martin Vigild, tikilluaqqusipput, Nick Nielsenilu Kalaallit Nunaanni inuiaqatigiinnut pingaarutilinnik suliarisanik arlalinnik ilisimatinneqarpoq.
Nick Nielsen arktisk ingeniøritut nammineq ilinniarnikuuvoq.
- DTU-p Artekimi ilippanaaterujussuit takusinnaavai, ukiumullu maannakkut ilinniartut 25-iusut 125-nngortikkiartuaarnissaat pilersaarutigaarput. Kalaallit inuusuttut akornanni tiguneqartut marloriaataat sinnerlugit tiguneqarsinnaalernissaat sulissutigaarput. Ilinniartut sinneri danskit aamma nunat tamalaat - ingammik Nunanit Avannarliit aamma Amerikap Avannaaniit - akornannit ilinniartuutigineqalissapput. Ilinniartoqarfivimmik aammalu nunanit tamalaaneersunit ilinniarfissuup immikkoortortavinngortillugu Artekip ineriartortinnissaa takorluugaavoq. Tassaassaaq Sisimiuni tunngaveqarluni teknikkikkut ilinniagarisanut aamma issittumi teknologiimut nunani tamalaani ilisimatusarfissuusussaq, Artekip pisortaa Carl Egede Bøggild ilaatigut allappoq.