Issittumi imaatigut angallannermi isumannaallisaaneq annertusaqqinniarneqarpoq

Imarsiornermut Aqutsisoqarfik 2014-imut naammassisaqarnissamut isumaqatigiissutaani, isumaqatigiissutigineqaqqammersumi, Issittumi imaatigut angallanneq salliutinneqarluni inissisimavoq.
Allattoq mlk
januaarip 03-at 2014 06:06

Suliassat pingaarnerit ilagaat Naalagaaffiit Peqatigiit Polarkodeata akuersissutigineqarnissaa aammalu Issittumi imaatigut angalannerup isumannaannerulersinneqarnissaa.

Tamatumalu kingunerisaanik ilaatigut umiarsuit takornariartaatit Nunatsinnukarniartut tamaasa, 2013-imi misissuiffigineqarsimanngikkunik, danskit umiarsualiviinut aqqusaarnerini nakkutilliinermut atatillugu misissuiffigineqartalissapput. Aqutsisoqarfik aamma Nunatsinni oqartussaasut peqatigalugit Kalaallit Nunaanni imaatigut angalannermi isumannaallisaaneq pillugu nalunaarutinik nutaanik suliaqassaaq.

Naalagaaffiit Peqatigiit Polarkodeat, nunat tamalaat Issittumi imaatigut angallannerannik malittarisassaqartitsisussaq 2015-ip ingerlanerani naammassineqassangatinneqarput. Malittarisassallu taakku umiarsuit isumannaallisaanermut atortorissaarutaannut aammalu umiarsuit takornariartaatit angalasut akunnerminni ataqatigiissaarisarnissaanik piumasaqaateqarnissaat Imarsiornermik Aqutsisoqarfiup tungaanit sulissutigineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq