Issittumi ilisimatusarneq ilinniartitaanerlu pillugit ataatsimeersuartoqalersoq
Ataatsimeersuarneq ullunik marlunnik sivisusseqartoq qulequtaqartorlu "Issittumi ilisimatusarneq ilinniartitaanerlu pillugit ataatsimeersuarneq" aallartippat aqqutit sikoqanngiffiusut nutaat, aatsitassarsiorneq uuliasiornerlu aamma naalagaaffiit pissaanilissuit Issittup siunissaanik soqutigisaqaleraluttuinnarnerat sammineqassapput.
- Danmark Issittumi pissutsit pillugit sammisaqarfiusunik suliaqarfiulluartunillu ilisimatusarnikkut amerlasuunik ingerlataqarpoq, tamakkulu ataqatigiissaarneqarnissaat pingaarpoq aningaasat killeqartut atorlugit ilisimatusarnitta sapinngisamik annertunerpaamik pissarsiaqarfiginissaat qulakkeerumallugu, John Renner Hansen, Københavnip Universitetianeersoq ataatsimeersuarneq sioqqullugu taama oqarpoq, ilanngullugu ima oqarluni:
- Naalagaaffeqatigiit iluanni ataatsimoorluta, issittumi nunatut, nunarsuatsinni sumiiffiit pingaarnerpaat ilaattut pinngortitamilu pissuussutit pingaarnerpaat ilaannik pigisaqartutut immikkuullarissumillu uumassusillit assigiinngiiaartuunerannik pigisaqartutut immitsinnut nittarsaattariaqarpugut.
- Ilisimatusarnikkut suliaqarfiusut tamarmik suleqatigiissinneqarnissaat aamma pingaaruteqarpoq, taamaaliornikkut allanngoriartorneq paasisaqarfigilluarumallugu ilinniartitaanernillu nutaanik ineriartortitsilluta, taakkulu issittumi sumiiffiit siunissami ineriartortinnissaannut toqqammaviussapput, John Renner Hansen, Middelfartimi ullumi ataatsimeersuarnissaq sioqqullugu taama oqarpoq.