Issittumi ilisimassarsiortut millionilippassuarnik EU-mit tapiissuteqarfigineqarput
![](/sites/default/files/styles/image_934x467/public/article_images/arktis_hav_foto_michael_ransburg_flickr.jpg?itok=c8Q_cCPO)
Aningaasat suliniummut INTERACT-imut atorneqassapput, tassanilu suleqatigiinneq issittumilu ilisimatusarfiit 77-it, taakkunanngalu arfinillit nunatsinniinnissaat qulakkeerneqassapput.
Issittumi ilisimassarsiornermi isorartussuseq katersiniarnermut nakkutilliiniarnermullu ajornartorsiutaasarpoq, INTERACT-imilu 77-inik ilisimatusarfeqarnera tamatumunnga iluaqutaassapput.
Aningaasat 10 millionit euruusut affaat ilisimatuut ilisimasassarsiorfippassuarnut tikeraartarnissaannut atorneqassapput, taamaalillutillu issittumi ilisimassarsiornerminnut qaninnerulissallutik.
INTERACT-imit suliniummi ilisimatuut tusindit sinneqartut suliniutini assigiinngitsuni ilaatigut sermisiornernut, qiuaannartunut silallu pissusianut tunngasunik ilisimasassarsiortarput.
Ilisimatuut 7400-ut ilisimasassarsiorfinni INTERACTimit aningaasaliiffigineqartuni 2011-imiit 2015-imut unnuisimapput.