Issittumi ilisimasassarsiortoq Ludvig Mylius-Erichsen pillugu atuagaq nutaaq
Atuagaq qulequtaqartoq "Ud - hvor livet frister", (tassa nunarsuarmut pilerinartumut appakaanneq) tusagassiortumit atuakkiortumillu Janni Andreassenimit atuakkiarineqarpoq. Taassuma issittumut ilisimasassarsiortartup Peter Freuchenip inuunerata oqaluttuarisaanera ilaatigut aamma atuakkiarinikuuaa.
Mylius-Erichsenip 35-iinnarnik ukioqarluni 1907-imi nunatta avannaani ilisimasassarsiorluni alianartumik ajunaarsimanini ilisimaneqaatigaa.
Ludvig Mylius-Erichsen piginnaaneqaqimmat nunarsuarmioqatitta ilisimasariaqaraat, atuakkiortoq Janni Andreassen isumaqarpoq.
Mylius-Erichsenip nunatsinni ilisimasassarsiornissani siulleq 1902-mi pilersaarusiorpaa. Ilisimasassarsiorneq pinngortitamut attuumassuteqarani inunnut tunngavoq. Angalanermini eqqumiitsuliortoq Harald Moltke inuusuttorlu ilinniartoq Knud Rasmussen peqatigai.
Angalanerminni avannarparterlutik inughuit anguaat qaammatillu qulit najorlugit.
- Nunarsuup pilerinartuinut appakaannissaq anguniartuagaasa ilagaat. Mylius-Erichsen nunarsuarmut appakaakkusuppoq, allannermisut: "Ud - hvor livet frister", Janni Andreassen tusagassiutinut nalunaarummini taama allappoq.