Issittoq pillugu nutaamik aviisiliortoqarpoq
Tusagassaqartitsivik issittoq pillugu annerusumik tusagassaqartitserusuppoq taamaattumillu aviisimik tuluttoortumik qaammammut saqqummersartumik annertusaalluni.
The Arctic Journal tusagassioriaatsimik allaanerusumik suliaqassaaq - allaaserisat ikinnerussapput taakkulu tusagassiortunit tuluttut oqaasilinnit suliarineqartassapput. Sermitsiaq.AG- aqqutit nutaat misilinniarpai nutaanillu eqqarsarluni "tusagassiornermilu nalinginnaasumik suleriaatsimit allaanerusumik suliniarluni", tusagassaqartitsivik allappoq.
Imarisassai aamma Tusagassaqartitsiviup allatigut saqqummersitaaneernerussapput tuluttuunngorlugit nutserneqartassallutik.
- Niuerfinnik nutaanik nassaarniassaagut, piffissaq ungasinnerusoq isigalugu tusagassaqartitsiviup pingaarnerusumik suliaanik aningaasaliisussanik: nunatsinni tusagassiorneq aviisillu sapaatip akunnikkuutaartumik saqqummersartut, Tusagassaqartitsivik allappoq.
The Arctic Journal ulluinnarni aaqqissuisoqassaaq, tassaassallutik tusagassiortut Kevin McGwin aamma Ray Weaver, aaqqissuisoq suliniummillu aqutsisoq Nicolai Jacobsen.
Naak tusagassaqatitsivik Sermitsiaq.AG niuerfissanik nutaanik ujarlernera suliffeqarfiup ingerlanerliorneranik pissuteqanngilaq.Tusagassaqartitsivik siorna5 mio. kr.-it miss. sinneqartooruteqarpoq.
