Issariarnermut biilit 100-t assigaat

Islandimi qaqqaq innermik anitsisartup Eyjafjallajökull-imiittup innermik anitsinera sakkukilleriarmat, anitsinermini anillaatsitaasa annertussusaat maanna uuttorniarneqalerput.
Allattoq Elisa Isaksen
maajip 26-at 2010 07:06

Anillaatsitaasa annertussusaat nunap sajuttarneranik ilisimasallit tupaallaatigaat:

- Islandimi qaqqap innermik anitsisartup Heklap 1947-mi anitserujussuarneranit maanna anillaatsitat annertunerupput, Sverigip Radiuanut taama oqarpoq nunap sajuttarnerinik ilisimatooq, Uppsala Universitetimeersoq Reynir Bödvarsson.

Innermik anitsisumit anillaatsitat katillugit 300 tonsiupput. Ilaatigooriarlunilu sakkortoorujussuarmik aniatitsisarluni, ilisimatooq oqarpoq.

- Matumani oqaluuserisatsinni anillaatsitat assigaat inuinnaat biiliisa 100-t oqimaaqataasa, issariarnermi ataatsimi erfagiunneqarnerat.

Qaqqap innermik anitsisartup anitsinera suli univissimanngilaq - maannakkulli aalaq kisimi anialluni.

Maanna sermeq qaqqap innermik anitsiffiup eqqaaniittoq narsaatillu arsakunit qenertunit issusuumik qallerneqarsimapput.

Nunap sajuttarnerinik ilisimatuup Reynir Bödvarssonip Uppsala Universitetimeersup, qaqqap innermik anitsinini unitsivinneraa neriorsuutigisinnaanngilaa.

Qaqqap innermik anitsinini unitsikkallaannarneraa piffissami aggersumi aatsaat paasinarsissaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq