ISS Børsenimi ilaalissaaq
Aningaasaateqarfiit Danmarkimi ISS-imut, nunarsuatsinni eqqiaanermik allanillu sullissinernik isumagisaqartuusumut annerpaamut tunuliaqutaasut, suliffeqarfik pappiaqqanik nalilinnik niueqatigiiffissuarmut børsimut ilanngutsinniarpaat.
Allattoq Elisa Isaksen
Aningaasaateqarfiit 13,3 milliardit koruunit atorlugit ISS børsenimut ilanngutsinniarpaat. Suliffeqarfimmik piginnittuupput Goldmann Sachs Capital Partners aamma svenskit aningaasaateqarfiat IQT-Partners. Aningaasaateqarfiit taakku marluk suliffeqarfissuaq eqqiaanermik isumagisalik 21,9 milliardinik nalilik 2005-imi ingerlatarilerpaat.
Suliffeqarfissuup ISS-ip nunani 50-init amerlanerusuni inuit millionit affaasa missaat sulisorai, ilaatigut ilisimaneqartutut aamma Nunatsinni.