Israelip præsidentia tunuaqquneqarpoq
Allattoq Mads Lynge
Israelip præsidentia Moshe Katsav naalagaaffiup unnerluussisuanit ingerlaannartumik atuutilersussamik tunuaqquneqarpoq.
Moshe Katsav arnanik pinngitsaaliisarsimasutut pasineqarpoq, pinerluttoqarsimanermillu misissuisoqarnerata nalaani tunuaqquneqarluni.
Moshe Katsavip pinngitsuunerarnini oqaatigiuartarsimavaa, eqqartuunneqassagunili ukiorpanni parnaarussaasinnaassalluni.
Moshe Katsavip præsidentiunini pissutigalugu inatsisartut akuersiseqqaartinnagit eqqartuussisulersuunneqarsinnaanngilaq, parlamentimilu ilaasortat arlallit oqarsimanerarneqarput Moshe Katsavip unnerluutigineqarsinnaannginnera peerusukkitsik.