Israelimiut sakkutuui saassusseqqipput
Israelip sakkutuui Gaza-mi silaannakkut ullaaq saassusseqqimmata, palæstinamiu ataaseq toqutaavoq allallu marluk ikiligaallutik, taama napparsimmavinniit nalunaartoqarpoq.
Allattoq Louise M. Kleemann
USA-p nunanut allanut ministeria Condoleezza Rice, israelimiut palæstinamiullu eqqisseqatigiinnissaat anguniarlugu Israelimukarluni aallareersoq, Gazami taama pisoqarpoq.
Palæstinamiut namminersortuisa præsidentiat, Mahmoud Abbas, isumaqatigiinniarusunngilaq, maannami ullut tallimassaa Israelimi oqartussat Gazami Hamasikkut aqutsisuinik saassussisaqattaarput, palæstinamiut 120-t inuunerannik maannakkut akeqareersumik.
Israelimiut qaartartunik silaannakkut saassussinerit sorsukkumatuut israelimut killeqarfiup eqqaaniittunut sammitinneqartut, israelimiut oqaaseqartuat arnaq tusagassiortunik ilisimatitsivoq.