Israelimiut sakkutuui Gazamit qimagussuupput
Israelimiut sakkutuuisa palæstinamiut sakkulersorlutik akiuuttut suleqatigiiffiannut, Hamasikkunnut, ullut 22-t saassusseqataareerlutik Gazamiit ullaaq tunuartitilerput.
Allattoq Lotte Holm
Israelimiut sakkutuuisa avammut oqaaseqartartuata tamanna ullaaq manna ilisimatitsissutigaa.
- Sakkutuut nunngutaat nunaminertami Gazamiit ullaaq qimagupput, Gazalu kaajallallugu suli piareersimassapput, qanorluunniit pisoqariaannaammat.
Sakkuaakkunnaarnissamik Israel nalunaaruteqareersorlu tunuarterneq sapaatiummat aallartippoq.