Qaartartumeerisoqarnerata kingunerisaanik Israelip Palæstinallu aaqqiagiinnginnerisa qanittukkut aaqqiivigineqarnissaat ilimanarunnaarpoq, tassami marlunngormat pingasunngormallu Palæstinamiut Israelikkullu isumannaallisaanermi sakkutuuisa akornanni sakkortuumik aporaattoqartarmat. Israelip Jerusalaami juutinut nunasisunut inissiat nutaat 1.600-t sananeqarnissaannik aalajangernera kamaatigaat. Sanaartornissamik pilersaarutit taamaatiinnaqqullugit EU-p USA-llu kajumissaarutigigaluaraat, Israelip aalajangernini aalajangiusimaannarpaa. Nioqqutissat Israelimi nunasisoqarfinni tunisassiarineqarsimasut Palæstinami ilanngaaserisunit allatut akerliuniutigalugit arsaarinnissutigineqartalerput. Illuatungeriit suleqatigiilersinniarlugit EU-p nunanut allanut pisortaa Catherine Ashton ullut kingulliit Israelip Palæstinallu aallartitaanik ataatsimeeqateqartarpoq, illuatungeriilli manna tikillugu killissaanatik, DR taama allaaserinnippoq.