Israelikkut ukioq manna pingajussaa qinersisussanngorpasilersut
Illersornissamut ministeriusimasup Avigdor Liebermanip pingasunngormat ministeriuninngorniartut marluk arlaannaalluunniit tapersersorumanagu oqarmat tamanna erseqqissivoq.
Siusinnerusukkut Sakkutuut naalagarisimasaat Benny Gantz, partiimi tungujortunit qaqortunillu siuttuuvoq, Israelimi naalakkersuisunik pilersitsinissamik suliassinneqarpoq, ministeriunerugallartup Benjamin Neranyahup naalakkersuisunik pilersitsiniarnera iluatsinngimmat.
AAMMA ATUARUK Partiit siuttut marluk Israelimi qinersinermi naligiittorujussuusut
Gantzip periarfissaa unnugu unnuap qeqqanut killeqarpoq. Taamaalilluni Liebermanip nalunaarutaa Gantzip iluatsitsinnginnissaanik kinguneqassaaq.
- Taama isikkoqartillugu qinersilerunarpugut, Lieberman oqarpoq.
Israelimi aprilimi qinersisoqarpoq kingullermillu ukioq manna septembarimi qinersisoqaqqilluni.
70-inik ukiulik Netanyahu 2009-mili ministeriuneruvoq. Aamma 1996-imiit 1999-imut ministeriuneruvoq.
/ritzau/AFP