Israel sakkuaakkunnaarusuppoq
Hizbollah-kkut israelimiullu ullumi aamma akersuupput. Libanonip kujasinnersortaani saassussisarnerit sakkortuseqqinneqassanersut Israelimi naalaakkersuisut maanna eqqartorpaat. Israelimiut sakkuaakkunnaarusullutik hizbollah-mi ilaasortanik kajumissaaripput.
DR-ip tusassiortuata Hanne Voigelip Tel Aviv-imiit tamanna ima oqaluttuaraa:
Israelimi naalakkersuisut sakkortungaatsiartumik eqqartueqatigiinnissaat amerlasuunit ilimagineqarpoq. Naalakkersuisut imaaliallaannaq aalajangersinnaanngillat Israelimi innuttaasut aalajangerniarnerminni isumasioqqaartariaqarpaat. Libanonimi amerlanerusunik sakkutuuliinissaq qanoq isumaqarfigineraat apereqqaartariaqarput.
Israelimi naalakkersuisut marlunnik periarfissaqarput; siullertut sakkutuuliinissamik itigartitsineq aappaattullu sapinngisaq tamaat Libanonip killeqarfia qaangerlugu sakkutuuliinissaq. Kingulleq akuerineqassappat hizbollah-kkut israelimiunik saassussisarneri pinaveersimatinniarneqassapput.
- Unneqarilluinnarlungalu oqassaguma sapaatip-akunnerini maanna arlaqalersuni akersuunnerni israelimiut angusaqarpianngillat. Taamaammallu ilimagaara israelimiut amerlanerusunik sakkutuuliinissaq tunuarsimaarfigissagaat. Illuatungaatigullu Hizbollah-kkut ilimagisamit sakkugissaarnerullutik qoqassiillutik saassussisarnerminni arlalinnik toqutsisarput. Ullormullu 200-t angullugit qaartartumeerisarlutik, Hanne Foigel naggasiivoq.
