Israel Palæstinalu eqqisseqatigiinnissaq pillugu sulinialerput
USA-p præsidentiata, George Buship kangiani qiterlermi sapaatip akunnerani tulliuttumi angalanissaa aallarnerluartinniarlugulusooq, Israelimiut ministeriunerat, Ehud Olmert Palæstinamiullu præsidentiat, Mahmoud Abbas ullumi isumaqatigiipput eqqisseqatigiinnissaq pillugu aallartitatik periarfissaq siulleq atorlugu qitiusumik isumaqatigiinngissutaasut sammisariaqaraat.
Buship præsidentiujunnaartinnani Israelimiut Palæstinamiullu eqqisseqatigiinnissamut isumaqatigiissusiornissaat anguniarsaraa.
Annapolisimi novembarimi eqqisseqatigiinnissaq pillugu ataatsimeersuartoqarmalli isumaqatigiinniarnerit nikissimanatik Buship angalanissaa eqqoqqissaarlugu aatsaat neriulluarnartumik nikeriaqqipput.