Israel Libanonilu misissuiffigineqassapput

Israelimiut sakkutuuisa naalakkersuisutik sakkutuullu qullersaqarfiat Libanonimi akersuunneq pikkorluffigalugu akersuutsitsisimanerat akisuussaaffigitinnialeruttoraat, israelimiut ombudsmandiat ippassaq nalunaarpoq, akersuunneq pillugu misissuititsiniarluni.

Ombudsmandip, Micha Lindenstraussip, allaffeqarfianit nalunaarutigineqarpoq, Libanonimi hizbollah-kkunnik saassussisaqattaarnerit pillugit paasissutissat, uppernarsaatit allattuiffiillu katersorneqarnialersut.

Israelimiut hizbollah-kkullu sapaatip akunneri marluk akersuutinnginneranni israelimiut naalakkersuisui, sakkutuuisalu qullersaqarfiat, nunaqqatiminnik avoqqaarineqarneri sakkortusigaluttuinnarmata, israelimiut ombudsmandiat misissuititsiniarluni aalajangerpoq.

Jerusalaami naalakkersuisut allaffeqarfiisa silataanni israelimiut sakkutuui 100-init amerlanerit tupernik nappaapput. Akerliussutsimik takutitsisut israelimi ministeriunerup, Ehud Olmertip, illersornissamullu ministerip, Amir Peretzip, tunuarniuteqarnissaat piumasaraat.