Israelimiut Gazami raketiliorfik saassukkaat

Israelimiut raketiliorfimmut unnuaq saassussineranni inunnik ajoqusertoqanngitsoq nalunaarutigineqarpoq, israelimiullu sakkutuuisa oqarnerat naapertorlugu unnuaq saassutartik islamisiortut Hamasimeersut raketiliorfigaat.
Gaza Hamasimit 2007-imili aqunneqalerpoq, Hamasillu Israelillu akornanni taamanikkulli aaqqiagiinngittoqarluni. Hamas Israelimit saassunneqakkajuppoq, saassussiumatuummi Gazameersut Israelimik saassussiuarput. Assi © : Mohammed Abed/AFP/Ritzau Scanpix
Allattoq Ritzau
februaarip 13-at 2023 08:47
Nutserisoq Mads Lynge

Palæstinamiut namminersorlutik oqartussaaffianni Gazami unnuaq qaartoqarpallattaqattaarpoq. Israelimiummi raketiliorfimmut unnuaq saassussipput, israelimiullu sakkutuuisa oqarnerat naapertorlugu unnuaq saassutartik islamisiortut Hamasimeersut raketiliorfigaat. Hamasip raketit Israelimut igeriuttarai oqaatigineqarpoq.

Nutaarsiassaqartitsivik Reuters taama allaserisaqarpoq. Nutaarsiassaqartitsiviummi tusagassiortui Gazamiipput, qaartoqarpallattarneralu taakku nalunaarutigaat.

Saassussisoqarnerani inunnik ajoqusertoqanngitsoq nalunaarutigineqarpoq.

AAMMA ATUARUK Kangia Qiterlermi nakuusernerujussuaq pillugu Pave avoqqaarinnippoq

Hamasip Israel raketimik saassummagu raketi Israelimiunit nakkartinneqarpoq. Israel taama oqarpoq.

Palæstinamiut arlaannaalluunniit raketimik igeriussisuunnginnerarput. Nutarasiassaqartitsivik Reuters taama allaaserisaqarpoq.

Gaza Hamasimit 2007-imili aqunneqalerpoq, Hamasillu Israelillu akornanni taamanikkulli aaqqiagiinngittoqarluni. Hamas Israelimit saassunneqakkajuppoq, saassussiumatuummi Gazameersut Israelimik saassussiuarput.

Aamma atuaruk