Israel akiuukkunnaarallarnissamut piareersimavoq
Isumaqatigissutip pisortatigoortunngortinneqarnissaanut ataavartunngortinneqarnissaanullu Israel piareersimanngitsoq, Danmarks Radiop Kangia Qiterlermit tusagassiisartua oqarpoq:
Israelip illersornissamut ministeria Ehud Barak Egyptenillu præsidentia Hosni Mubarak Egyptinimi Sharm el-Sheikimi ataatsimiipput.
Hamasip raketinik Israelimut saassussisarnerata unitsinneqarnisaa, Israelillu Gazamik saassussisarnerata unitsinneqarnissaanik, Ehud Barakip nalunaaruteqarnissaa naatsorsuutigineqarpoq.
Israelip Gazamik mattussinera atorunnaarsinneqassangatinneqarpoq. Gazamik mattussineq ajornartorsiutaalerpoq, ukiup ataatsip matuma siornatigut mattussisoqarmat.
Pisortatigoortumki isumaqatigiissutoqartoqarnissaa Israelimit nalunaarutigineqassamaartoq oqaatigineqarpoq.
Islamisiortut Hamasikkut Israelimit akueriumaneqanngillat, Hamasimillu saassussisarnerit imaaliallaannaq aallarteqqissinnaassallugit.
Israelip Gazamik mattussinerata unitsinneqarnissaa Hamasip piumasaraa, pisortatiguunngikkaluamillu Israelimik isumaqatigiissusiornikkut tamanna anguneqarsinnaanissaa ilimagineqarpoq.
Sakkutooq Israelimeersup Hamasikkunnit iperagaatinneqarnissaa maanna piareersimaffigineqarpoq. Sakkutooq pineqartoq ukiuni kingullerni marlunni Gazami parnaarussaaqqavoq, Hamasikkunninngaanneersullu 100-likkaat iperagaassappata iperagaasinnaassalluni.
Tamanna siornatigut periarfissaasimanngikkaluarpoq.
