Isornartorsiuineq tunngavissaqartinnginnerarpaa

Kalaallit Nunaata avataani immami uuliamik mingutsitsisoqassappat upalungaarsimaneq kingullertigut isornartorsiorneqarpoq, upalungaarsimaniarlutilli Kalaallit Nunaanni oqartussaasut qanoq iliuusissaqannginnerannik isumaqarneq tunngavissaqanngitsoq, avatangiisinut naalakkersuisup, Kim Kielsenip, tunngavissaqartinnginnerarpaa.
Allattoq Mads Lynge
januaarip 24-at 2008 11:56

Upalungaarsimaniarluni pilersaarut naapertorlugu Kalaallit Nunaanni upalungaarsimasut avataanit ikiorneqaratik uulia 20.000 liiteri tikillugu uuliaarluernerit isumagisussaavaat, atortussallu atugassat illoqarfinni aqqaneq-marlunni inissinneqarnikuullutik.

Annertunerusumik uuliakoortoqartillugu upalungaarsimasut atortunik Danmarkimiit umiarsuakkut timmisartukkullu nassiunneqartunik isumagininnissamut, ikiuinissamut atuinissamullu piginnaaneqartussaapput.

- Upalungaarsimanerup akisussaassuseqartumik akisussaassuseqanngitsumilluunniit nalilernissaanut aarlerinartoqarnera suussusaanut sanilliussinikkut nalilerneqartarpoq. Neriuppunga nunat tamat akornanni suleqatigiiffiit taakku ulorianaatilinnik misissueqqissaarnissamut sakkussanik tutsuiginartunik tunisinnaassagaatigut, Avatangiisinut Naalakkersuisoq, Kim Kielsen, tusagassiutinut nalunaarummini allappoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq