Isornartorsiuineq Mimi Karlsenip ilumuunnginnerarpaa
Upperisarsiornermut tunngasunik ilinniagallip Arne Ib Nielsenip atorfininniarluni qinnuteqaatai tamarmik pissusissamisoortumik suliarineqartartut, Ilageeqarnermut naalakkersuisoq Mimi Karlsen Sermitsiap nittartagaanit issuarneqarpoq.
Allattoq Elisa Isaksen
Arne Ib Nielsenip Nunatsinni palasitut atorfinitsinneqarsinnaannginnini akerliuniarfigalugu januaarip aallaqqaataaniit neriumajunnaarneranut atatillugu, taanna taama oqaaseqarpoq.
Arne Ib Nielsenip oqaatigigaluarpaa, atorfinnut qinnuteqaaterpassuani akineqarnerluunniit ajortut. Taamatulli isornartorsiuinera Mimi Kasrlsenimit eqqunngitsuunerarneqarpoq.
- Arne Ib Nielsen taamaalilluni, qinnuteqartut allat assigalugit, akissuteqarfigineqartarpoq aamma saaffiginnissutai allat allaffissornikkut akissuteqarfigineqartarput, Mimi Karlsen Sermitsiap nittartagaanut oqarpoq.