Islands Marine Research Institut arfernik toqoraasuunerarneqarpoq
Whale Watching Associationip nalunaarutaani tamanna takuneqarsinnaavoq, arfernik nakkutilliisoqarfimmit oqaatigineqarluni, tikaagulliit research-institutip misissuiffigisaaniittut maanna ikileriarujussuarsimasut.Tikaagulliit arfernik nakkutilliisut umiatsiaasa eqqaani puiaartaraluarput, maannakkulli oqaatigineqarpoq arferit research-institutip misissuiffigisaaniittut takussaajunnaarsimasut. Arferillu tamaaniittut qimaatitaanerisa takornariarpassuit tusindtilikkuutaat imartamut tamaanga takornariartartuugaluit eqqornerluppaat.
Islandimiut aalisarnikkut ministereqarfiata neriorsuutigisimavaa, arferit nakkutilliiviusumiittut piniagaassanngitsut. Islandimi iluanaarniutigalugu tikaagullinniartoqaqqusaanngilaq, tikaagulliillu neqaat nunanut allanut tunineqaqqusaanngillat, taamaallaat Islandimi neqaarniarfinnut tunineqarsinnaallutik.