Islandip EU-mut ilaasortanngorusunnera akerlerineqarpoq

Islandip EU-mut ilaasortanngornissaa pillugu isumaqatiinniarnerit Naalakkersuisut aallartissaneraat Islandimi inatsisartut ullumi ullup qeqqata missaani aatsaat taasissutigissavaat.
juulip 16-at 2009 07:43

Inatsisartunut ilaasortat pilersaarutit malillugit ippassaq unnukkut tamanna taasissutigisussaagaluarpaat, politikerilli arlalissuit EU-mut ilaasortanngornissaq eqqartoqqikkusummassuk, ullup unnuallu affaanik tamanna kinguartinneqarallarpoq. Aviisip Morgunbladidip nittartagaani tamanna atuarneqarsinnaavoq.

EU-mut ilaasortanngornissamut apeqqut Islandimi naalakkersuisoqatigiit isumaqatigiinngissutigaat, saamerliunianullu, Venstregrønnenut, ilaasortat tallimat kingullermik oqarput, EU-mut ilaasortanngornissamut pilersaarummut akerliullutik taasiniarlutik. Islandilli EU-mut ilaasortanngornissaanut isumaqatigiinniartoqarnissaanut amerlanerussuteqalaartut akuersaarnissaat ilimanarpoq.

Isumasiuinerni erserpoq, islandimiut 320.000-t missaanniittut affaasa EU-mut ilaasortanngornissaq tapersersoraat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq