Saarullittassanik ikilisitsinissaq Islandimi imaanik ilisimatusarfimmiut inassuteqarnerisa kingunerisaanik pissasoq, islandimi naalakkersuisut nalunaarput.
Islandimi saarullittassat ikilineqarnissaat aningaasarsiornerup ilorraatungaanut saakkiartorneranut unikaallatsitsinissaa naatsorsuutigineqarpoq, Islandimiut avammut tunisassiarisartagaasa affaat aalisarnermeersuummata.
- Saarulliit ikileriarujussuarsimanerat paasigatsigu siunissamilu saarulleqassutsip qulakkeerneqarnissaa pillugu piaartumik aalajangertariaqarsimavugut, Islandimi aalisarnermut ministeri Einar Gudfinnsson nutaarsiassaqartitsivimmi Ritzaumi taama issuarneqarpoq.