Islandimi novembarimi qinersisoqassaaq
Benediktssonip novembarimi aatsaat qinersisoqarnissaa orniginerusimagaluarlugu oqaatigaa.
Islandermiut siorna qinersigaluarput. Naalakkersuisooqatigiillu ajalusoornerat ippassaq sisamanngornermi pimmat maanna qinersisoqartussanngorluni.
Tassani naalakkersuisooqatigiinni pingasuusuni partii Lys Fremtid suleqatigiinnermit tunuarmat naalakkersuisooqatigiit amerlanerussuteqarunnaarput.
AAMMA ATUARUK Islandimi naalakkersuisut suleqatigiinnerat isasoortoq
Benediktssonip ataataata meeqqamik atornerluisimasoq pillugu allagaqarsimanerata kingorna Lys Fremtid suleqatigiinnermit tunuarpoq. Taanna pinerlussimasutut allagartaani pillagaanera atorunnaarsinniarlugu allagaqartoq ikiorsimammagu.
Tamannalu pillugu Bjani Benediktssoni paasissutissiisimannginnera tunngavilersuutigalugu naalakkersuisooqataagaluartut suleqataajumajunnarput.