Islandimiut illuutillit eqqugaaqaat

Islandimi koruunip nalikillinerata kingorna illuutillit eqqugaapput. Taakku akiitsui amerleriarujussuarput, amerlasuullu akiitsumik, taakkualu erniaasa, taarsersorniarnerat ajornartorsiutigaat.
februaarip 24-at 2009 18:01

Illut inissiallu nalingi annertuumik appariarput, ilai ima nalikitsigilerlutik, illut nalingi akiitsunit nalikinnerulerlutik. Tamatuma kinguneraa Islandimi innuttaasut ilaasa illutik tunisinnaanagit. Ilaqutariinni pilersuisut marluullutik, imaluunniit kisimiittoq, suliffissaarukkunik, najugarisamut akilersuiniarnerat ajornakusoortorujussuuvoq, nutaarsiassaqartitsivimmi Ritzauimi taama allaaserinnittoqarpoq.

Aningaasarsiornikkut ajornartorsiorneq islandimiunut, inuiattut tulluusimaartutut inissisimasut, aningaasarsiornikkullu ajornartorsiornerat islandimiunut ajortumik eqquivoq.

Islandimi inoqutigiit isertitaasa misissuiffigineqarnerannit nalunaarusiaq aallaavigalugu akiitsunik ajornartorsiuteqarneq paasineqarpoq. Inoqutigiit ataatsimut katillutik akiitsui islandimiut koruunii malillugit to tusind milliardi koruunit missaannik amerlatigisut, danskit koruunii malillugit hunnoruju milliardi koruunit missaanniittunik akiitsoqarput.

Islandimi inoqutigiit agguaqatigiissillugit akiitsui danskit koruuninngorlugit 900.000 koruuniupput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq