Islandimit pilersorneqarnissaq soqutigaat
Siunnersuut saqqummerpoq Nunat Avannarliit Killiit Siunnersuisoqatigiivisa ataatsimiinneranni.
Tasiilami namminersortoq Gerda Vilholm:
Aprilimi majimiluunniit Islandimiit nioqqutissanik pajuttumik attartukkamik umiarsuaqartarsinnaanerput assut soqutigipput oqaatigisinnaavara.
Royal Arctic Linep kisermaassisussaanini pigiinnassavaa piffissami maanga umiarsuaqartitsisarnermi nalaani, kisiannili piffissap ungataani maanga umiarsuartitsinngiffigisartagaani, kissaatigaarput, allat periarfissaqartillugu Tasiilamut pajuttarsinnaanissaat.
Pingaartumik upernaakkut ukiut tamaasa nioqqutissanik amigaateqalertoqartarpoq.
Pingaartumik upernaakkut ukiut tamaasa nioqqutissanik amigaateqalertoqartarpoq.
Nioqqutissat nalinnginnaasut upernaakkut illoqarfimmi tamarluinnarmik nunguusangajattarput. Aamma naatitanik pissarsisarsinnaassagutta nuannissagaluarpoq.
Tasiilami entreprenøri Tunumi Entrepresse, sanaartornermut atugassanik Islandimiit pisarnissaminik aamma soqutiginnippoq.
Inuiaqatigiinnut aningaasartuutaassanngilaq. Maani namminersortut akiliisassapput. Nioqqutissallu tikittussat
Pilersuisumi niuertarfinni allanisulli akilersorlugit pisiarineqarsinnaasassapput.
Pilersuisoq akileeqataanissamut soqutiginninnersoq paasiniarlugu Gerda Vilholmip attaviginiarpaa. Umiarsuaq kingulleq, umiarsuit tikittartut qulingiluassaat, novembarip arfineq aappaanni Tasiilamut tikissaaq.
