Islandimit allamut nunasisut aatsaat taama amerlatigaat
Islandimiorpassuit nunartik qimallugu allamut nunasisut aatsaat taama siorna amerlatigisimasut kisitsisitigut paasissutissat takutippaat.
Allattoq Najaaraq Egede
Islandimiut 10.600-t allamut nunasinissartik siorna toqqarpaat, nunat allamiut Islandimut nunassittut 5.800-simasut.
- Ukiorpassuarni kisitsisitigut paasissutissanik katersinermi nunartik qimallugu allamut nuuttut aatsaat taama 2009-mi amerlatigisimasut, aviisi Morgunbladid allaaserinnippoq.
Islandimi nunaqavissut amerlasuut nunanut allanut aallararlutik nuunnerat kingullermik pivoq ukioq 1887-imi, taamani islandimiut Amerikamut nunasisut 2.200-simallutik.
Islandimit nuuttut amerlanersaat nunat avannarliit ilaannut nunassissimapput.