Islandimi sakkutooqarneq kikkunnit siunissami akisussaaffigineqassanersoq aalajangerneqanngilaq.
Amerikamiut sapaatip-akunnerani kingullermi Keflavikimi sakkutooqarfimmit sakkutuutik tunuartinniarlugit aalajangermata Islandimi sakkutooqarunnaassaaq.
Island nammineq sakkutooqanngilaq NATO-mili tamakkiisumik ilaasortaalluni. NATO-mi generalsekretærip Jaap De Hoop Schefferip islandimi naalakkersuisut ataatsimeeqatiginiarlugit ippassaq isumaqatigiissusiorfigai, Associated Press taama allappoq.
NATO-p Islandimi sakkutooqarfimmik tigusinissaa USA-mit oqaatigillatsiarneqarpoq. NATO-mi nunat ilaasortaasut paarlakaajaallutik Atlantikup avannaani qeqertami nakkutilliiartortarnissaat ilanngullugu oqaatigillatsiarneqarluni.
USA 1951-imiilli Islandimi sakkutooqarfeqarpoq.
Sakkutuut 1200-t septembarip naanerani angerlartinneqassapput.