Islandimiilaariarluni Københavnimut ingerlaqqippoq
Ilaasoq nakuuserniarsimavoq timmisartullu sulisuisa ilaasut sinnerisa isumannaatsuunissaat isumagisinnaasimanagu. Taamaattumik Air Greenlandip Islandimi politiit attaveqarfigaat ilaasoq nakuusertoq niuniarlugu.
Timmisartoq Keflavikip mittarfianut mimmat Islandimi politiit ilaasumik tigusissallutik piareersimapput pineqartorlu maanna Islandimi politiinit tigummineqarluni. Timmisartoq tamatuma kinguninngua Københavnimut ingerlaqqissalluni qangattarpoq.
- Kisiannili nakuusertoqarnerani ilaasunik ajoqusertoqarsimanersoq tusanngivipparput, Air Greenlandimi timmisartortitsinermut pisortaq Jørgen E. Andersen oqarpoq.
Norsaq qallunaat nalunaaqutaat malillugu unnugu aqqarnup qeqqanut Københavnimut tikissangatinneqarpoq.