Islandimi timmisartuussinerit aallarteqqipput

Islandimi nalinginnaasumik timisartuussinerit ullumi aallarteqqinneqarnissaat naatsorsuutigineqarpoq, ilaasussarpassuillu arfininngornermilu utaqqisut angallannissaat ulapputigineqartussanut ilaalluni. Kisianni nunatsinnut timisartuussisoqarnissaanik suli pilersaaruteqartoqanngitsoq Air Icelandimit nalunaarutigneqarpoq.

Taamaattoq arsakut qullartitat siornamut sanilliullugu annikinnerunissaat ilisimatuunit naatsorsuutigineqarpoq.

- Arsakut qullartitat oqimaannerupput nunamullu nakkajanerullutik, ilutigisaanillu anorip sammivia aamma ajunnginnerulluni, qaqqanik innermik anitsisartunik ilisimatuut oqaatigaat.

Qaqqaq innermik anitsisartoq, Grimsvötn, Islandimi qaqqat innermik anitsisartut 'uummaarinnersaraat' aamma innermik aniatitsinera ullualunnguanik sivisussuseqartarpoq.

Qaqqap taassuma ukiormanna innermik aniatitsinissaa ujarassiuunit ilimagineqareerpoq, tassami agguaqatigiisillugu ukiut tallimakkaarlugit innermik aniatitsisarnera ilismaneqarmat.

Atlantiku qulaallugu timmisartuussinissat ullumi aqagulu pisussaagaluit taamaatiinnarneqartut aamma Air Greenlandimit nalunaarutigineqareerpoq.