Islandimi suliffissaarusimasut aatsaat taama amerlatigaat
Aningaasaqarnikkut ajalusoornerup Island nalunngitsatsitut annertuumik eqqorpaa, maannalu kinguneri aatsaat malunnarsilerlutik. Islandimi naatsorsueqqissaartarfiup suliffissaaleqisut maanna 7,2 procentinngorsimasut nalunaarutigaa, tamannalu 1991-ip kingornagut aatsaat taama annertutigisoq.
RUV.is-ip paasissutissiinera naapertorlugu taamaattoq tamanna ajornerulissaaq, suliffissaaleqinerlu 2010-p ingerlanerani 9 procentinngussasoq ilimagineqarluni.
Suliffissaaleqinerup meeqqat atuarfianninngaanniit taamaallaat naammassisimasut tamatuma peqatigisaanik ajornerusumik eqqorpai, universitetinili atuarsimasut sulilu suliffeqartut amerlanerullutik.