Islandimi suliffeqarfik nersornaaserneqarpoq
Nunat Avannarliit Siunnersuisoqatigiivisa avatangiisinik illersuiniarsimasunut nersornaasiuttagaat 2008-moortoq Islandimiut suliffeqarfiannut “Marorka”-mut tunniunneqassaaq.
Allattoq Louise M. Kleemann
”Marorka”-mi sulisut imaatigut angallannermi orsussamik atuivallaannginnissaq pillugu qarasaasiatigut programiliorsimapput, CO2-millu aniatitsivallaannginnissaq tassuunatigut qulakkeerlugu.
Programi pineqartoq atorlugu umiarsuit orsussamik atuinerat annikillisarneqarsinnaavoq, procentit tallimat qulillu akornanni annikillisarneqarsinnaalluni.
Avatangiisinik illersuiniarsimasunut nersornaasiuttakkamik tunineqartussatut innersuussutigineqartut katillugit 37-upput. Aningaasartaat 350.000-it koruuniupput, Finlandillu illoqarfiisa pingaarnersaani Helsinkimi tunniunneqarumaarluni.