Eqqaassutissaq Islandimi serminit aajuitsunit silap pissusiata allanngornerani siullertut aattumut eqqaassutissatut pilersinneqarpoq.Assi: Scanpix

Islandimi sermeq aajuitsoq aattoq siulleq eqqaassuserneqartoq

Islandimi sermeq aajuitsoq silaannaap allanngoriartorneranit aatsinneqartoq siulleq eqqaassutilerneqarpoq.

Islandimiut sermeq aajuitsoq, Okjökullimik taaguuteqartoq ”Ok”-tullu aamma ilisimaneqartoq 2014-imi piuneeruttoq eqqaaniarniarlugu sapaatiummat katersuupput.

Ilisimatuut sermit aajuitsut 400-t allat aamma aaratarsinnaanerannik aarlerisaaruteqarneranik taama eqqaassutiliisoqarpoq.

Islandimi sermeq aajuitsoq silap pissusaata allanngorneratigut aattoq siulleq sapaatiummat ualikkut eqqaaniarneqarpoq.

Islandip kippasissortaani qaqqap aajuitsup sumiiffigisimasaani eqqaaniaasoqarpoq.

Eqqaaniaaneq ”Siunissamut allakkamik” qulequtaqartinneqarpoq. Allagaq islandimiusut tuluttullu allagaavoq.

Eqqaassutissaq Islandimi serminit aajuitsunit silap pissusiata allanngornerani siullertut aattumut eqqaassutissatut pilersinneqarpoq. Assi: Scanpix En mindeplade er nedsat for at hædre og mindes gletsjeren, som var den første i landet, der måtte lade livet for klimaforandringerne. Foto: Scanpix

- Ok sermit aajuitsuni siullersaalluni aappoq. Sermit aajuitsut allat ukiut 200-it tulliuttut ingerlaneranni aannissaat naatsorsuutigineqarpoq.

- Eqqaassutissiaq una susoqarneranut qanorlu iliortoqarnissaanut ilisimasatsinnut uppernarsaataavoq. Ilissilu (siunissami innuttaasut, aaqq.) kisissi taamaaliorsimanersugut ilisimassavarsi.

Sermeerunneq

Islandip ministeriunera, Katrin Jakobsdottir, avatangiisinut ministeria, Gudmundur Ingi Gudbrandsson Naalagaaffiit Peqatigiillu inuit pisinnaatitaaffiinut kommissæriat, Mary Robinson eqqaaniaanermi peqataapput.

Okjökull ukiut qulikkuutaat matuma siorna 15 kvadratkilometeriuvoq 50 meterimillu silissuseqarluni, maannali 1 kvadratkilometeriinnaavoq 15 meterimillu silissuseqarluni.

Sermeq aajuitsoq tassaavoq sermeq aasaanerani aannaasimasaminik ukiup ukiuunerani ilaqqittartoq.

Taamaaliortarunnaaraangamili serneerunnertut taaneqartarpoq. Okjökullilu 2014-imi taakkununnga ilannguppoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat