Islandimi imeqqutaalaqarfiit navianartorsiortinneqarput
Imeqqutaallat Islandimi Snæffellsnessimiittut ukiut tallimassaat nerisassakilliorput.
Allattoq Louise M. Kleemann
Ammassassuit nerliarfigisinnaasaat amerlanngillat imeqqutaallallu piaqqatik suannik, pakkalussanik quperlunillu nerlersortariaqartarpaat taakkualu ammassassuartulli kimittutiginngillat arrortikkuminaannerullutillu. Icenewsip allagai tunngavigissagaanni imeqqutaalaqarfiit taamaalillutik navianartorsiortinneqarput.
Timmiarussat imarmiut allanngornernut taamaattunut naleqqussarnerluttuupput. Imeqqutaallat ilaat nerliarlutik avalangaatsiartarput piaqqamillu nerisassaannik oqqussisaraluarput amerlanngitsunilli, aamma allungaarsinnaanngillat, taama allappoq Icenews.