Islandimi H1N1-mik toqquteqartoqarpoq

Puulukit nappaataannik, H1N1-mik taaguuteqartumik, Islandimi siullerpaamik toqquteqartoqarpoq.
Allattoq Bikki P. Kleist
oktobarip 21-at 2009 08:34

Arnaq inuusuttoq 18-inik ukiulik, innarluutilik, meeqqat napparsimmavianni ippassaq toquvoq.

Aviisi Morgunbladid naapertorlugu, arnaq inuusuttoq pualluummik nappaateqartoq, ullut aqqanillit H1N1-imik napparsimasimavoq.

Islandimi inuit H1N1-imik nappaatillit maannamut 479-iupput, kisitsisillu kingulliit naapertorlugit inuit H1N1-imik nappaatillit katsorsartittut 26-iullutik.

Islandimi illoqarfiup pingaarnersaani H1N1-imik nappaatillit amerliartorput, peqqinnissaqarfillu angummanniapilooqqasoq, tusagassiorfinnit allaaserineqarpoq. Inuit nualluummik nappaateqartut nappaateqarsorineqartullu 3.660-it junimiit oktobarimut nakorsartissimapput.

Peqqinnissaqarfinni sulisut sapaatip akunnerani kingulliup ingerlanerani siulliullutik H1N1-mut akiuussutissamik tunineqarput, aammattaaq politiit, qatserisartut, politikerit inuillu nuimanerit allat akiuussutissinneqartussaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq