Islandimi Googlemi nunap assinga naammagittaalliuutigigaat
Bolungarvimmi borgermesteri Jón Páll Hreinsson, Islandip kitaata kujataani Googlemip nunap assingani nunaqarfigisani ukioq naallugu apummik qalleqqasutut ersittarnera Goolgemut naammagittaalliuutigaa.
Ísafjördurimilu borgermesteri Gudmundur Gunnarsson, aamma assinganik naammagittaalliuuteqarpoq.
- Nunarput apummik qallersimasoq nunap assingani takullugu kappiagaara, Hreisson islandimi tusagassiorfimmut oqarpoq.
Ukioq naallugu aputeqarneq ajorpugut, ukiorli naallugu assimi aputeqartinneqartarnera takornarianut pakatsinarsorisinnaavara, taanna oqarpoq.
- Uani aningaasaatilissuit eqqarsaatigaakka, immaqa nunap assingani takullugu kitaata tungaani aputeqartuaannartoq, tamannalu takorusullugu takornariraluarlutik apuukkunillu aputeqanngitsoq, Hreinsson facebookkimini quppernermini allappoq.