Islandimi Euro oqallisaaqaaq

Islandimi koruuni atorneqaannassanersoq imaluunniit Europamiut aningaasaataat Euro atorneqalissanersoq oqallissutaasorujussuuvoq.

Europamili qitiusumik aningaasaateqarfissuarmi, EU-lu aqutsisoqarfianni ileqimisaartuinnarput, taama nutaarsiassaqartitsivik Ritzau allappoq.

Islandimi niuertut peqatigiiffianni qullersaq Hala Tomasdottir, aningaasat atukkatik pillugit oqarpoq, nunarsuarmi nunami aningaasat atorneqartut minnersat ilagigaluaraatik nunarsuup sinneranut ammallutik.

Islandip koruunia nunallu aningaasaqarnera pillugu susassaqartut tamat peqataaffigisaannik nalunaarusiortoqaqqammerpoq, ilaatigut Euro-p eqqunnissaa pimoorullugu eqqarsaatigisariaqartoq inassutinut ilaalluni. Islandilu EU-mi ilaasortaanngilaq, EØS-imili, assersuutigalugu Norgep ilaaffigisaani suleqataalluni.

EU-mi qitiusumik aningaasaateqarfik erseqqissaavoq Euro atulissagaanni EU-mi nunatut ilaasortanngorsimanissaq.