Islandimi erniat qaffanneqarput
marsip 31-at 2006 17:02
Islandimi aningaasaqarniarnerup ajornartorsiutaaleriartornera erseraluttuinnarpoq. Sukkasoorujussuarmik ingerlavoq, ilami allaat sukkavallaartumik.
Islandimi naalakkersuisut unikaallatsitsiniarlutik
ippassaq aningaasanik atorniarnermi erniarititaasoq 11,5 procentinngorlugu qaffappaat.
Taamaalillutik aningaasanik atorniartorpassuit, aningaasaliiniartorpassuillu ingalassimatinniarpaat. Tamakkumi Islandip aningaasaata nalinganik nukillaarsaarisuummata.
Islandimi aningaaserivissuup erniat suli qaffannissaannik ilimasaaruteqarput. Statsminister Halldor Asgrimssonip piumasarivaa Islandimi ineriartorneq arriinnerusumik ingerlalissasoq.
