Islandimi aningaaseriviit pingasut pisortai soraaqqusaapput

Aningaasarsiornikkut ajornartorsiorneq pissutigalugu aningaaserivinni pingasuni pisortaanerit Islandimi ministeriuninngortup soraarniuteqaqqullugit ippassaq qinnuigai.

- Ingerlaannaq tunuaqqullugit qinnuigaakka, ministeriuneq Jóhanna Sigurdadóttir Islandimi naalagaaffiup Radioanit apersorneqartilluni oqarpoq.

- Tunuarniuteqaqqusakka allakkanik ullumi nassippakka, ministeriuneq ippassaq oqarpoq.

Islandimiorpassuit isumaqarput, aningaaseriviit pingaarnersaanni pisortaaneq, David Oddsson, Islandimi aningaasarsiornikkut ajornartorsiulernermut akisussaanerpaasoq. David Oddssonip pisortaanertut tunuarnissaa piumasaralugu akerliussutsimik qaammatini kingullerni takutitsinerpassuaqarpoq.

Islandimi aningaasaqarnermut tunngasut Oddssonip ministeriunermi nalaani 1990-ikkut ingerlaneranni avammut ammanerulersissimavai.