Islandimi aningaasarsiutigalugu arfanniaqqittalerput
Island-imi aningaasarsiutigalugu arfanniartarneq aallarteqqinneqarpoq. Aalisarnermut piniarnermullu pisortaqarfimmi pisortaq, Amalie Jessen, tamanna pillugu ima oqarpoq:
- Tungitsinninngaanniit Island-i pilluaqquarput. Taamatut oqarninnut pissutigaara, IWC-mi MAMMCO-milu ataatsimiisitaliani assigiinngitsuni akuersaarneqarpoq, inassuteqaataasut aatsaat malissagaanni, Amalie Jessen oqarpoq nangillunilu: Tikaagulliusaat qulingiluat tikaagulliillu 30-it pisarineqarsinnaapput, innersuussutigineqartullu iluaniippata, kikkulluunniit nunat nungukkiartuutaanngitsumik aningaasarsiutigalugu arfanniartarnissaat tapersersugassaraagut. Aamma piniariaatsit akuerisaasut atorneqarpata aamma akuerineqassapput.
Aalisarnermut Piniarnermullu pisortaqarfimmi pisortaq Amalie Jessen, taama oqarpoq. Amalie Jessen aamma oqarpoq, tullissaanik arfanniartarneq pillugu ataatsimiisitaliarsuaq IWC ataatsimeersualerpat Island-ip aningaasarsiutigalugu arfanniaqqittalernera oqalligisineqangaatsiarumaartoq.
