Islandimi aalisakkat avammut tunisassiarineqartartut akileraaruserusuppaat

Aalisartut namminneerlutik aalisakkat tuniassassiassatut suliarisalernissaat anguniarneqarpoq, taamaaliornikkut nunami suliffinnik nutaanik pilersitsisoqarniassammat, aviisi Fréttabladid taamatut allaaserisaqarpoq.

Aalisakkat avammut tunisassiarineqartut annikitsumik akileraaruserneqartalernissaat naalakkersuisut anguniarpaat.

- Suliffinik nutaanik pilersitsisariaqarpugut taamaattumik periarfissat tamaasa eqqarsatigisariaqarpagut aalisarnermut naalakkersuisoq Jón Bjarnaso oqarpoq, erseqqissarpaalu tamanna pillugu aalajangertoqarsimannginnera.

Islandimi aalisartut peqatigiiffiisa kattuffianni siulittaasoq Saevar Gunnarson oqarpoq, akileraarusersuiniarnermi pilersaarummut isumaqataanatik, aalisakkat avammut tunineqartartut killilersorneqarpata aalisartut aningaasaqarniarnerannut ajornerulersitsissammat.

Islandimi aalisariutaatillit peqatigiiffianni siulitaasoq akileraarusersuinissamut isumaqataanani oqarpoq..

Aalisakkat nutaat europamut tuniniarneqartarnerat Islandimut iluaqutaallutik pilluaataapput, Fridik J. Arngrímsson oqarpoq, isumaqarlunilu akileraarusersuinissamut isuma piviusunngornavianngitsoq.