Island naalakkersuisortaarpoq

Islandimi arnamik aatsaat ministeriuninngortoqarpoq, aammali suiaassuseqatiminik atoqateqartartumik nunarsuatsinni pernaammik aqutsisoqalerluni.

Jóhanne Sigurdadóttir timmisartumi arnaqquujusimavoq, katinnikuuvaalu islandimiu arnaq atuakkiortoq, Jonina Leosdóttir. Jóhanne Sigurdadóttir marloriarluni isumaginninnermut ministeriusimavoq.

Sigurdadóttir toqqarneqaqqammiinnarluni oqarpoq, Islandip aningaasarsiornikkut ajornartorsiornerata qaangerniarneqarnissaa ingerlaannaq suliniutiginiarlugu.

- Naalakkersuisunngortitsinissara Islandimi præsidentip ullumi tuavisaarutigaa, Sigurdadóttir oqarpoq.

Ikinnerussuteqarlutik naalakkersuisunngortut tassaapput Socialdemokratit De Venstre-Grønne-llu. De Venstre-Grønne-ni siulittaasoq, Steingrímur Sigfússon, Islandimi aningaasaqarnermut ministerinngussaaq.

Naalakkersuisut oqarput, Nunat Siuarsagassat Taarsigassarsiniatarfiat, IMF, isumaqatigiissuteqarfiginiaritsik, taavalu Islandimi aningaaserivimmi siulersuisut nutaanik taarserniaritik.