Island milliardilikkaannik tapiissutisivoq

Nunat siuarsagassat taarsigassarsiniartarfiat IMF Island ikiorniarlugu taarsigassat 33 miiliardi koruunit akuersissutigeqqammerpai.

Aviisi The Financial Times allattoq nutaarsiassaqartitsivimmi Ritzau-imi atuarneqarsinnaavoq.

IMF 1 milliardi dollarinik, tassa 5,5 milliardi koruunit missaannik taarsigassarsiissaaq, aningaasallu sinneri Nunat Avannarliit qitiusumik bankeqarfiinit Japanillu qitiusumik bankianit taarsigassiissutigineqassallutik.

The Financial Times naapertorlugu Rusland Islandimik ikiorsiiniarnersoq nalornissutigineqarpoq, Finlandimiulli nutaarsiassaqartitsiviat FNB allappoq Islandimi bankit ilaata Kaupthingip sullitaasa 10.000-it aningaasaliissutaat erniaallu matussuserneqassasut.

Kaupthing, Islandimilu bankit angisuut allat Glitnir aamma Landsbanki naalagaaffimmit maanna aqunneqalernikuupput.