Island isumaqatigiissitsiniartussamik ujartuivoq

Norgep isumaqatigiissitsiniartuunissaa ilimanaateqarnerusoq aamma nalunaarutigineqarpoq. Islandip Tuluillu Nunaata akornanni saaarullinniarneq pillugu 1970-ikkunni aaqqiagiinngissuteqartoqarmat Norge taamanikkut isumaqatigiissitsiniartuuvoq.

Islandimi bankit ilaasa Icesavep 2008-p naajartulernerani naalagaaffik sinnerlugu qularnaveeqqutaasussanik aningaasaliinera pissutaalluni Island Tuluit Nunaannut Hollandimullu milliardilikkaanik akiitsoqarpoq, taarsiinissamulli piumasaqaatit suussanersut suli isumaqatigiissutigineqanngilaq.

Icesavemut tunngatillugu inatsit Islandip præsidentiata Olafur Ragnar Grimssonip qaammatip massuma aallartilaarnerani atsiorumanngilaa. Tamanna pillugu innuttaasunik marsip ulluisa arfernanni taasisitsisoqarumaarpoq. Islandimi tusagassiuutit arlaqartut taama allaaserisaqartut nutaarsiassaqartitsiviup Ritzauip aamma allaaseraa.