Island Games-eqarnissamut sungiusalerput

Kalaallit Nunaanni angutit isikkamik arsaallutik nunanut allanut unammisartui qaammatip tulliani sungiusarlutik aallartissapput, aappaagu Åland-imi Island Games-eqarnissamut piareersarlutik.
Allattoq Jaaku Lyberth
aggustip 31-at 2008 13:48

Jylland-ip avannaata kitaani Hurup-imi septembarip ulluisa 25-annit sapaatip akunnera ataaseq sungiusassapput.

Hurup-imi ilinniarfik Sydthy Uddannelses Center suleqatigalugu sungiusarneq ingerlanneqassaaq, tassani najugaqarnerat ilinniarfiup akilissallugu Hurup-imilu arsaattartut unammineqassapput.

Nunat assigiinngitsut sisamat unamminissaraluat oktobarip qaammataani ingerlanneqartussaagaluartoq kinguartinneqarpoq.

Cypern avannarlermiut nunanut allanut unammisartui taamatullu Virgin Island-miut arsaattartui Island Games-imi unammeqataanissartik qaammatip uumap aallartisimalernerani nalunaarutigaat, anngunniunnissallu kingusinnerusukkut unammissutigineqarumaaarlutik Jens Tang Olsen Kalaallit Nunaannut isikkamik arsaattartut kattuffianneersoq oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq